عبدالله: چین باید پاکستان را وادار به همکاری در پروسه صلح افغانستان کند

به گزارش خبرنگار حوزه افغانستان باشگاه خبرنگاران جوان، «عبدالله عبدالله»، رئیس اجرائی دولت افغانستان، امروز (دوشنبه ۱۳ قوس) در دفتر کارش در قصر سپیدار با آقای «دینگ شیجون»، نمایندۀ ویژۀ جمهوری مردم چین برای افغانستان و پاکستان دیدار کرد.

در این دیدار، شیجون ضمن خرسندی از ملاقات با عبدالله عبدالله گفت آنها در نظر دارند که نشست سه جانبۀ چین، افغانستان و پاکستان را در سطح وزرای امور خارجه برگزار کنند و در خصوص مذاکرات صلح و همکاری‌های منطقه ای و همچنین مبارزه با تروریسم بحث و گفتگو نمایند.

وی ابراز امیدواری کرد که افغانستان در این نشست شرکت نماید.

عبدالله عبدالله، رئیس اجرائی دولت وحدت ملی نیز با اشاره به دیدار و ملاقاتش با نخست وزیر چین در حاشیۀ کنفرانس شانگهای در سوچی روسیه گفت: خوشحالم که روابط دو کشور رو به گسترش می‌باشد.

رئیس اجرائی افغانستان با بیان اینکه افغانستان در نشست سه‌جانبه اشتراک خواهد کرد افزود: امیدواریم چین پاکستان را وادار به همکاری در مبارزه با تروریسم و پروسۀ صلح در افغانستان نماید.

عبدالله عبدالله گفت: در گذشته نشست‌های مشترک با پاکستان هیچ نتیجه ای نداشته است.

وی از نماینده چین خواست که اسلام‌آباد را متقاعد به از میان برداشتن پناهگاه های تروریست ها و مراکز تجهیز آنها سازند.

انتهای پیام/