باشندگان ولایت بادغیس به رسانه ها اعلام کرده اند که کمک های بشردوستانه به گونه عادلانه توزیع نمی‌شوند و به بستگان کارمندان دولتی داده می‌شوند.

شهروندان بادغیس خواستار توزیع عادلانه این کمک‌ها از سوی موسسه‌ها و نهادهای دولتی هستند.

مسئولان محلی بادغیس اما این ادعا را رد کرده و می‌گویند که روند توزیع کمک‌های بشردوستانه در این ولایت شفاف و عادلانه است.

پیش از این نیز شکایت از توزیع غیر عادلانه کمک‌های بشردوستانه در شماری از ولایت‌های افغانستان وجود داشت.