مسئولان امنیتی طالبان در ولایت تخار از تعیین ضیاءالحق حامد به عنوان قوماندان امنیه جدید این ولایت خبر دادند. پیش از این، نصرالله حذیفه فرمانده امنیه تخار بود.
عبدالمبین صافی، سخنگوی پولیس طالبان در تخار گفت ضیاءالحق حامد، طی مراسمی با حضور نماینده وزارت داخله طالبان، مقامات ملکی و نظامی طالبان در این ولایت معرفی و به کار آغاز کرده است.
به گفته او ضیاءالحق حامد، پیش از این، به عنوان قوماندان امنیه کاپیسا ایفای وظیفه کرده است.