عبدالله عبدالله، رئیس اجرائی دولت افغانستان که شریک 50 درصدی دولت است بزرگ ترین غایب این لوی جرگه محسوب می شود.
همچنین تیم انتخاباتی «صلح و اعتدال» به رهبری محمد حنیف اتمر، مشاور پیشین امنیت ملی افغانستان، و تیم «امنیت و عدالت» به رهبری رحمت‌الله نبیل، رئیس پیشین امنیت ملی نیز در نشست امروز حضور نداشتند.
محمد کریم خلیلی، رئیس شورای عالی صلح، گلبدین حکمتیار، رهبر حزب اسلامی و صلاح الدین ربانی رهبر حزب جمعیت اسلامی نیز غایبان دیگر لوی جرگه بودند.
شخصیت‌های با نفوذی همانند ژنرال عبدالرشید دوستم، محمد محققق، محمد یونس قانونی، اسماعیل خان، حامد کرزی، رئیس جمهوری پیشین افغانستان و عطا محمد نور نیز در این نشست حضور نداشتند.
گفتنی است که لوی جرگه مشورتی صلح به منظور ترسیم خطوط قرمز مذاکره با طالبان از امروز آغاز شده و قرار است تا 4 روز آینده ادامه داشته باشد.
انتهای پیام/