هواداران حزب «جنبش» ادارات دولتی در شمال افغانستان را مسدود کردند
معترضان در ولایت‌های فاریاب، سرپل، جوزجان، بلخ، سمنگان و تخار، برخی دفاتر کمیسیون انتخابات و نهادهای دولتی را مسدود کرده اند.
به گزارش حوزه افغانستان باشگاه خبرنگاران جوان، معترضان در ولایت‌های فاریاب، سرپل، جوزجان، بلخ، سمنگان و تخار، برخی دفاتر کمیسیون انتخابات و نهادهای دولتی را مسدود کرده اند.
آنها هشدار می‌دهند تا زمانی که خواسته هایشان از سوی دولت پذیرفته نشود به این اعتراض‌ها ادامه می‌دهند.
در سمنگان و جوزجان نیز هواداران حزب جنبش ملی در برابر ساختمان اداری این ولایت‌ها چادرهای تحصن برپا کرده‌اند.
معترضان روز گذشته نیز در سرپل دروازه‌های نهادهای دولتی محکمه، سارنوالی، زراعت، انکشاف دهات و عدلیه را مسدود کردند.
اعتراض‌ها به بازداشت نظام‌الدین قیصاری، نماینده جنرال دوستم، معاون اول ریاست جمهوری افغانستان از یازدهم سرطان/ تیر تاکنون در فاریاب و شماری از ولایت‌های شمال و شمال شرق افغانستان ادامه دارد.
انتهای پیام/
