افزایش تعداد پاسگاه‌های مرزی تاجیکستان با افغانستان

رئیس جمهور تاجیکستان با اشاره با تأمين امنیت مرزهای کشورش با افغانستان گفت در مرزهای مشترک ۷۵ پاسگاه تاکنون ساخته شده است.

امامعلی رحمان، رئیس جمهور تاجیکستان ضمن تأکيد بر تأمین امنیت بیشتر مرزهای کشورش با افغانستان گفت: ۷۵ پاسگاه امنیتی طی یک سال اخیر در مرزهای مشترک ساخته شده است.

ریاست جمهوری تاجیکستان اواخر ماه اسد سال جاری نیز در اطلاعیه‌ای اعلام کرد پاسگاه‌هایی با تجهیزات مدرن در منطقه «بدخشان»، «مرغاب»، «اشکاشم»، «روشان»، «فرخور»، «شمس‌الدین شاهین» و پنج منطقه «ختلان» به بهره برداری رسیده‌اند.

امامعلی رحمان نیز در سفر به منطقه خودمختار «گورنو» در بدخشان در نزدیکی افغانستان، تأکید کرده بود: مرزبانان به عنوان سپری قابل اعتماد، باید مرزهای تاجیکستان را در برابر همه تهدیدات و خطرات جدید به ویژه قاچاق مواد مخدر و جنایات فراملی حفظ کنند.

با این حال طالبان بارها تأکید کرد افغانستان امن است و از خاک این کشور هیچ کشوری تهدید نمی‌شود.