قرقيزستان در بخش بهداشت با کشور افغانستان همکاری می‌کند
نماینده خاص رئیس جمهور قرقيزستان در دیدار با معاون اقتصادی رئیس الوزرای طالبان گفت: کشور‌ش در بخش صحت با افغانستان همکاری لازم می‌کند.
دفتر مطبوعاتی ملا برادر امروز دوشنبه(۱۶ عقرب/آبان) با نشر اعلامیه‌ای گفت:" ملاعبدالغنی برادر آخوند، معاون اقتصادی ریاست‌الوزراء امروز با طلعت بیک مصدقاف، نماینده خاص رئیس جمهور قرقيزستان و هیأت همراهشان، در دفترکاری‌اش دیدار کرده است".
دو طرف پیرامون همکاری‌های سیاسی، اقتصادی و صحی(بهداشت و درمان) میان دو کشور صحبت کرده است.
ملا برادر از روابط دیرینه و تاریخی میان دو کشور در عرصههای سیاسی، اقتصادی یادآوری نموده و گفت: تقویت آن را مهم خوانده است.
ملا برادر دربخش تقویت روابط دوجانبه سیاسی و اقتصادی به جانب قرقیزستان وعده همکاری نمود و گفت: که طالبان به هیچ گروهی اجازه نمی‌دهد که از قلمرو افغانستان علیه کشوری دیگر استفاده کند.
در اعلامیه آمده است:" طلعت بیک مصدقاف، نماینده خاص رئیس جمهور قرقيزستان تأمین امنیت سرتاسری در افغانستان ابراز خرسندی کرده و به تأمین روابط دو جانبه بین هر دو کشور اشاره نمود و گفت که در سکتور صحت با افغانستان همکاری لازم خواهند نمود".
